ബെംഗളൂരു: കെംപെഗൗഡ ഇന്റർനാഷണൽ എയർപോർട്ടിനും ബെംഗളൂരുവിലെ ഹിന്ദുസ്ഥാൻ എയറോനോട്ടിക്‌സ് ലിമിറ്റഡ് (എച്ച്എഎൽ) എയർപോർട്ടിനും ഇടയിലുള്ള രണ്ട് മണിക്കൂർ ഡ്രൈവ് ഉടൻ 12 മിനിറ്റ് ഹെലികോപ്റ്റർ ഫ്ലൈറ്റായി ചുരുക്കിയേക്കും. ഇന്ദിരാനഗർ, കോറമംഗല തുടങ്ങിയ സ്ഥലങ്ങളിലേക്കും ഐടി പാർക്കുകളിലേക്കും കൂടുതൽ എളുപ്പത്തിൽ എത്തിച്ചേരാവുന്ന കിയാ-യ്ക്കുംഎച്ച്എഎല്ലി-നും ഇടയിൽ ഹെലികോപ്റ്റർ വിമാനങ്ങൾ ആരംഭിക്കാൻ ഒരുങ്ങുന്നതായി അർബൻ എയർ മൊബിലിറ്റി കമ്പനിയായ ബ്ലേഡ് ഇന്ത്യ അറിയിച്ചു.
ഒക്ടോബർ 10 തിങ്കളാഴ്ച മുതൽ എല്ലാ പ്രവൃത്തിദിവസവും രാവിലെ 9 മണിക്കും വൈകുന്നേരം 4.15 നും ഹെലികോപ്റ്റർ സേവനം ലഭ്യമാകും. ഈ ഇൻട്രാ-സിറ്റി ഹെലികോപ്ടർ സർവീസ് റോഡുകളിലൂടെയുള്ള രണ്ട് മണിക്കൂർ യാത്ര ഒഴിവാക്കി പകരം 12 മിനിറ്റ് ഫ്ലൈറ്റ് തിരഞ്ഞെടുക്കാനുള്ള ഓപ്‌ഷൻ ആണ് നൽകുന്നത്. ബ്ലേഡ് വെബ്‌സൈറ്റ് വഴി ബുക്കിംഗ് നടത്താം, ഓരോ ഹെലികോപ്റ്റർ ഫ്ലൈറ്റിനും നികുതി ഒഴികെ 3,250 രൂപ പ്രാരംഭ ചെലവ് ഉണ്ടായിരിക്കുമെന്ന് ബ്ലേഡ് പത്രക്കുറിപ്പിൽ അറിയിച്ചു.
നിലവിൽ, ബ്ലേഡ് ഇന്ത്യ ഈ റൂട്ടിൽ രണ്ട് വിമാനങ്ങൾ വാഗ്ദാനം ചെയ്യുന്നുണ്ട് രാവിലെ 9 മണിക്ക് ബെംഗളൂരു വിമാനത്താവളത്തിൽ നിന്ന് എച്ച്എഎല്ലിലേക്കും വൈകുന്നേരം 4.15 ന് ഇതേ റൂട്ടിൽ ഒരു സായാഹ്ന മടക്ക വിമാനവും. വൈറ്റ്ഫീൽഡിലേക്കും ഇലക്ട്രോണിക് സിറ്റിയിലേക്കും കൂടുതൽ റൂട്ടുകൾ പിന്നീട് അവതരിപ്പിക്കുമെന്ന് ബ്ലേഡ് ഇന്ത്യ അറിയിച്ചു. കൂടാതെ, ഐയർപ്സ്, ഈവ് ഐയർ മൊബിലിറ്റി എന്നിവയുമായി ചേർന്ന് പ്രവർത്തിക്കുമ്പോൾ, അവർ പരമ്പരാഗത ഹെലികോപ്റ്ററുകൾ ഇലക്ട്രിക് വെർട്ടിക്കൽ ടേക്ക് ഓഫ്, ലാൻഡിംഗ് (“eVTOL”) വിമാനങ്ങൾ ഉപയോഗിച്ച് മാറ്റുമെന്നും കമ്പനി പറയുന്നു. ഈവുമായുള്ള പങ്കാളിത്തത്തിന് കീഴിൽ, 2026-ഓടെ ബ്ലേഡ് ഇന്ത്യയ്ക്ക് 200 eVTOL-കൾ വരെ ലഭിക്കുമെന്ന് കമ്പനി പത്രക്കുറിപ്പിൽ അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
